ඈත සිතිජයෙ සැඟවිලා
හිරුත් මිලිනව යනු බලා
මගේ සිතුවිලි පා කරන්නම්
සුළං රැල්ලක දවටලා..
පුංචි තරු කැට දිළිසිලා
සඳට තනි මකනා නියා
හදේ තනිකම මැකී යා නම්
සඳක් වී ඔබ හිනැහිලා..
නේක මල් හසරැල් සලා
මා වටා සිටියත් බලා
මල් ලොවේ අග රැජිණ ඔබමයි
හිඳිමි තවමත් මග බලා..
හදේ සෙනෙහස පුරවලා
රෝස මල් පෙති අතුරලා
සත්තකයි මම බලා ඉන්නම්
එන්න හැකිනම් පියඹලා...
(05/11/09)
4 ප්‍රතිචාර:
ඇය ඉක්මනින්ම හමුවේවා !
ලස්සන පද ටිකක් මගේ මිත්‍රයා...
බොහොමත්ම ස්තූතියි මිත්‍රයා...
රෝස මල් පෙති පරවෙලා
නොයනු ඇත හෙට විසිරිලා
දුර නොවේ ඇය ළඟ ළඟම ඇත
ටිකක් මඟ ඉනු ඉවසලා
ලස්සනයි ෴
ලස්සනයි... ස්තූතියි අක්කා... :)
Post a Comment
යන ගමන් පුංචියට හරි අඩි සළකුණක් තියලම යන්න... මේ ගමනේ කොහේදි හරි, කවදා හරි අපි ආයෙත් හමුවේවි. එදාට ආපහු හැරිලා බලද්දි ඒ පුංචි සළකුණ ලොකු මතක සටහනක් වෙලා තියෙන්නත් බැරි නෑ....